白斩鸡(高汤浸)

作者： 李亚椰

好耐无更新，之前啲fans叫我出啲鸡菜，趁住假期就送大家一个大餸，白斩鸡，今次有别于平时白斩鸡，用高汤浸，可以保持鸡鲜味同时鸡可以吸收汤味，相得益彰，亦有更好嘅风味。但系哩个高汤又考虑到系屋企整，所以设计得简单啲但又有其特色嘅高汤。(注意睇下面小tips)

用料

• 脆皮走地鸡 1只
• 料酒 25ml
• 葱 4根
• 姜粉 3克
• 盐焗鸡粉 半包
• 鱼露 25ml
• 红萝卜 1条-2条
• 洋葱 半个–1个
• 油 适量
• 麻油 适量
• 盐 自我感觉够味
• 冰糖 2-3粒
• 鸡粉 2克
• 冰水 适量
• 水 4-5斤

白斩鸡(高汤浸)的做法步骤

步骤 1

材料洗干净，切好，备好料。

步骤 2

再来一个全家福

步骤 3

萝卜先落油爆香。(肯定有人问，姜呢，到时做发现屋企无姜，就变成用姜粉啦，有姜可以先落姜一齐爆5-6片。)

步骤 4

爆到有颜色，有香味啦。

步骤 5

落洋葱一齐炒，炒出香味。

步骤 6

差唔多嘅时候就加葱一齐爆一下。

步骤 7

爆香以后加水，水量需要浸过只鸡。

步骤 8

用你浸鸡个煲装水，装好倒落去煮汤就ok。

步骤 9

然后添加调味料，糖之类。味料分量系上面，大概啦，因为要自己去试试味道，要够咸，而且带少少鲜甜。(点解无准确量，鬼知你个煲有几大。)煮滚以后试试味道，不够就继续补。

步骤 10

煮耐少少，将蔬菜甜味煮出来以后隔渣倒落煲。

步骤 11

然后鸡要三提三浸，等鸡籠都有温度，内外温度一样，唔系嘅话入面就不熟。(当时汤预少左少少，最好多啲汤。)

步骤 12

汤煮滚落鸡以后就要调细细火，不能够滚，一滚，鸡皮就穿。

步骤 13

如果汤唔系太够，可以参考我哦。

步骤 14

2斤几鸡，浸个25分钟。唔洗成日淋，间中淋一下。

步骤 15

出来以后最好准备一盘冰水浸落去，浸20分钟，就更加爽脆咯，浸完风干一下，再涂少少麻油就好靓仔。

步骤 16

啱啱好熟。其实可以前后多一分钟上下。不过汤少掌握唔好，最好都系汤多咯。

白斩鸡(高汤浸)的小贴士

1.汤可以留住下次煮餸当高汤用，或者食面。非常好用。惹味。 2.浸鸡一定要汤滚以后慢火。 3.蔬菜可以更多，汤就更甜，落冰糖为了带出鲜味。盐焗鸡粉可以领到味道更加丰富，沙姜味浓郁，一定要根据自己口味调整一下。 4.最后抹油可以领到鸡身油亮，有光泽，更加有香味。 5.爆香蔬菜可以用鸡油，那么汤就更加香咯。

菜谱创建时间：2020-10-02 10:44:18