焖羊肉

作者： 李亚椰

秋冬季节，羊肉当灶，梗系要食翻一镬啦。 此方香料唔多，食嘅就系酱香，肉香，淡淡药材味。 当归用黎祛味，并唔会突出当归味，所以唔好太多。

用料

• 羊肉 1500克
• 红萝卜 2根
• 生抽 20ml
• 老抽 适量
• 料酒 睇描述
• 盐 适量
• 姜 8块左右
• 香叶 10几片
• 砂仁 5个
• 当归 3片
• 草果 1个
• 花生酱 1羹
• 柱候酱 半羹
• 腐乳 3块
• 南乳 2块
• 蚝油 10ml
• 胡椒粉 4克
• 果皮 2片
• 鸡粉 2克
• 味精 2克

焖羊肉的做法步骤

步骤 1

羊肉先冷水落镬，落两片当归飞水。

步骤 2

飞完水，用冻水洗干净表面黏附嘅血。

步骤 3

准备药材，用清水洗干净，浸一下出味。

步骤 4

酱料，料头量参考图片。药材都浸住。

步骤 5

酱料先用碗装好捞匀备用(可以加10ml左右生抽去)，稀点，方便倒出来。

步骤 6

(草果浸完以后只要草果皮，里面嘅籽要去掉)，浸完，先细火炒干一下药材，等香味慢慢出来(先落草果，沙仁，因为比较大粒)

步骤 7

然后推埋一边，将料头爆香。

步骤 8

爆到金黄色，有香味啦。

步骤 9

捞一齐，爆香，爆出香味。

步骤 10

等香味出来，就落羊肉，疯狂炒，炒到有肉香味，或者表面有少少焦色，就要落酱啦。

步骤 11

落酱以后，马上落料酒，一齐大火铲香，铲出香味，铲均匀。(料酒可以顺便稀释酱料，更加均匀)

步骤 12

然后加水，如图，再把味料加入去，适量自己要补点生抽，蚝油，盐调一下味道，老抽调颜色，因为焖，暂时水多。如果觉得够味可以先暂停，等焖好，水量减少以后再睇睇要唔要补味。(重点)

步骤 13

调好以后倒入压力煲，压20-30分钟，睇自己中意的口感(今次羊嫩，压30分钟变成阿婆都随便食。)

步骤 14

为何萝卜无直接加入压力煲？ 压完萝卜都变成屎饼啦。 除非你时间短，或者一次直接食完，一般唔推荐一次全部丢入去。 我会用几多，捞几多羊肉出来，就保存更加容易。而且唔会因为有蔬菜破坏味道。 这里我嘅做法系先炒香萝卜，加水，加点盐糖，煮个20分钟左右，腍啦，再加焖好的羊肉汁同羊肉。(咁既不会破坏原汤，又可以有萝卜水增加甜味。又唔会将羊肉反复焖焖得过身)

步骤 15

焖多10分钟，就勾芡，出野

焖羊肉的小贴士

1.调味要自己去试，页面嘅只系基础。后面根据自己口味要补味。因为焖到后面水量都唔一定。 2.老抽调颜色，自己根据中意颜色调配。 3.当归味重，唔需要太多。 4.认真睇完再做噢。

菜谱创建时间：2020-11-15 21:39:58