消化餅 放袋入面整碎 加入30g已煮溶的牛油混合 倒入已加牛油底紙模中用匙羹舖平 放入雪櫃雪硬佢
Cream Cheese放室溫半小時回軟 加糖60g 用打蛋器打至軟滑備用 魚膠粉加熱水25ml溶化 攪拌至透明無粒粒 快速加入Cream Cheese中 打蛋器打至軟滑 (芝士無回至室溫 魚膠粉漿加入會即刻起粒 要小心呀)
淡忌廉加糖攪至企身 分兩次加入Cream Cheese漿中 攪拌直至完全混合
將蛋糕漿倒入模中 放入雪櫃雪四個鐘 如果混合後太硬倒入模中1有困難 舖唔平 可以隔水加熱少少至芝士漿較軟 先再倒入模中
三分之二藍莓加半個檸檬汁,糖30g 加熱煮一陣 同時壓爆d藍莓 煮到少少杰就ok 太杰凍左會硬成一舊 煮完加埋另三分之一藍莓落去撈均 同時都可以雪凍佢
蛋糕雪完後 用熱毛布包住個模一陣 等佢溶少少 就可以好易甩左個模 最後將藍莓醬加上蛋糕面就ok